Friday, January 18, 2019

What was the Wanathavilluwa , Puttalam explosives for?

What was the Wanathavilluwa , Puttalam explosives for?

The CID had arrested a group of persons over the discovery of 100kg of high powered explosives used for making bombs, a stock of detonators and several other illegal items that was buried in a coconut estate in Wanathawilluwa, Puttalam yesterday (17).
   
   
   
 
The police suspect that this organized gang of four suspects who had built a tent in the coconut estate had been planning to build bombs for some destructive purpose.

Information regarding these suspects and the high powered explosives had been derived through the interrogation of the religious terror suspects who were arrested over the destruction of Buddha statues in the Mawanella and surrounding areas.

Among the items recovered were 100 detonators, a stock of wire cords, six 20 lt. cans of Nitrate Acid which is banned in Sri Lanka, a stock of bulbs, almost 75 kg of explosives suspected to be C4 high powered explosives, a 12 bore rifle and a stock of ammunition, an air rifle, two tents, a stock of food, cameras and several other items.

The police suspect that this group may have been planning on manufacturing several small bombs to be placed at Buddhist statues to destroy them with the aim of causing racial and religious clashes.

The high powered explosives were placed in large barrels and buried in the estate and the 100 detonators were also buried on the estate.

The police had discovered several labels with Indian names on the plastic barrels containing the explosives and suspect that these explosives could have been brought to the country from India.

The suspects had obtained electricity to their temporary tents through solar power. The high powered explosives were sent to the Government Analyst for testing yesterday and the CID is expected to obtain the report shortly.
   
   
   
 
The arrested suspects had been brought to the CID last night, according to CID sources. Previously a group of organized criminals were arrested in connection with the destruction of Buddha statues in the Mawanella and surrounding areas.

A police team comprising CID Senior DIG Ravi Seneviratne and SSP Shani Abeysekara have commenced an investigation. The raiding team headed by ASP Wickramasekara had travelled almost 20 km through the jungle from Wanathawilluwa and carried out this raid.

Wednesday, January 16, 2019

தம்பி கோத்தபாயவை தோற்கடிப்பேன்! அதிரடியாக களமிறங்கும் அண்ணன்



நடைபெறவுள்ள ஜனாதிபதி தேர்தலில் போட்டியிட தயாராக உள்ளதாக ராஜபக்ஷ ரெஜிமென்டின் மூத்த சகோதரரும் முன்னாள் சபாநாயகருமான சமல் ராஜபக்ஷ அறிவித்துள்ளார்.

நேற்று நடந்த ஊடக சந்திப்பு ஒன்றில் கலந்து கொண்ட சமல் ராஜபக்ஷ இந்த கருத்தினை வெளியிட்டுள்ளார்.

ஜனாதிபதி பதவிக்கு நான் பொருத்தமானவர் எனின், நானும் போட்டியிடுவதற்குத் தயாராகவே இருக்கிறேன் என சமல் ராஜபக்ச தெரிவித்துள்ளார்.

பொதுஜன முன்னணியின் வேட்பாளராக ராஜபக்ச குடும்பத்தைச் சேர்ந்த ஒருவரே ஜனாதிபதி தேர்தலில் போட்டியிடுவார். எனினும் தற்போது யார் என்பதை உறுதியாக கூற முடியாது என சில நாட்களுக்கு முன்னதாக சமல் ராஜபக்ச கூறியிருந்தார்.

இந்நிலையில் ஜனாதிபதித் தேர்தலில் போட்டியிடத் தயார் என கோத்தபாய ராஜபக்ச பகிரங்கமாக அறிவித்துள்ளதை அடுத்து, சமல் ராஜபக்ச, தானும் தயாராக இருப்பதாக தெரிவித்துள்ளார்.

சமல் ராஜபக்சவின் இந்தக் கருத்து, ராஜபக்ச குடும்பத்துக்குள்ளேயே ஜனாதிபதி பதவிக்கான போட்டி, தீவிரமடைந்துள்ளதை வெளிப்படுத்துவதாக பலரும் கருத்து வெளியிட்டுள்ளனர்.

எனினும் கோத்தபாயவை தோற்கடித்து தன்னால் வெற்றி பெற முடியும் என சமல் ராஜபக்ஷ தனக்கு நெருக்கமானவர்கள் தெரிவித்துள்ளதாக தகவல்கள் வெளியாகி உள்ளன.

ராஜபக்ஷ குடும்பத்திற்குள்ளும் வெடித்தது பூகம்பம்?


எதிர்வரும் ஜனாதிபதி தேர்தலில் போட்டியிடத் தானும் தயாராகவிருப்பதாக முன்னாள் சபாநாயகர் சமல் ராஜபக்ஷ தெரிவித்துள்ளார்.

ஜனாதிபதி பதவிக்கு தான் பொருத்தமானவன் எனின், நானும் போட்டியிடுவதற்கு தயாராகவே உள்ளேன் என அவர் மேலும் தெரிவித்துள்ளார்.

நேற்று இடம்பெற்ற ஊடகவியலாளர் சந்திப்பொன்றில் கலந்துகொண்டு கருத்து தெரிவிக்கும் போதே அவர் இதனை தெரிவித்துள்ளார்.

ராஜபக்ஷ குடும்பத்திலிருந்து ஒருவரே பொதுஜன பெரமுனவின் வேட்பாளராக ஜனாதிபதி தேர்தலில் போட்டியிடுவாரென்றும், அவர் யார் என்பது குறித்து தற்போது கூறமுடியாது என்றும் முன்னாள் சபாநாயகர் சமல் ராஜபக்ஷ அண்மையில் தெரிவித்திருந்தார்.

அதன்பின்னர், முன்னாள் பாதுகாப்புச் செயலாளர் கோட்டாபய ராஜபக்ஷ மக்கள் தயாரென்றால் ஜனாதிபதி தேர்தலில் போட்டியிடத் தானும் தயாரென அறிவித்திருந்தார்.

இந்நிலையில் அவரது மூத்த சகோதரரான சமல் ராஜபக்ஷவும் ஜனாதிபதி தேர்தலில் போட்டியிடத் தயாரென தெரிவித்துள்ளமை ஜனாதிபதி வேட்பாளர் தொடர்பில் ராஜபக்ஷ குடும்பத்திற்கிடையிலேயே போட்டி நிலவுவதை வெளிக்காட்டுவதாக அரசியல் பிரமுகர்கள் தெரிவிக்கின்றனர்.

சங்ககாரவுடன் நடத்தப்பட்ட இரகசிய பேச்சுவார்த்தையின் பின்னணி என்ன?


ஜனாதிபதித் தேர்தல் குறித்து குமார் சங்ககாரவுடன் எவ்வித பேச்சுகளையும் நடத்தவில்லை என்று சுகாதார அமைச்சர் ராஜித சேனாரத்ன இன்று தெரிவித்தார்.

அமைச்சர் ராஜிதவும், இலங்கை கிரிக்கெட் அணியின் முன்னாள் தலைவர் சங்ககாரவும் அண்மையில் சந்தித்து, ஜனாதிபதித் தேர்தல் குறித்து பேச்சு நடத்தினர் எனத் தகவல் வெளியாகியிருந்தது.

கொழும்பில் இன்று ( 16) நடைபெற்ற ஊடகவியலாளர் மாநாட்டின்போது இது குறித்து அமைச்சர் ராஜிதவிடம், ஊடகவியலாளர்கள் கேள்வி எழுப்பினர்.

இதற்குப் பதிலளித்த அவர்,

” சுகாதார விவகாரம் குறித்தே எனக்கும் சங்ககாரவுக்கும் இடையில் சுமார் 10 நிமிடங்கள் சந்திப்பு நடைபெற்றது. இதன்போது ஜனாதிபதித் தேர்தல் குறித்தும், பொது வேட்பாளர் சம்பந்தமாகவும் பேசப்பட்டதாக வெளியாகியுள்ள தகவல்கள் போலியானவையாகும்.

சங்ககார சிறந்த கிரிக்கெட் வீரர். அவர் அதை விளையாடலாம். நாட்டில் ஜனாதிபதி யார் என்பதை அவரால் தீர்மானிக்க முடியாது. அத்துடன், அவர் அரசியலுக்கு வரமாட்டார்” – என்றார்.

அதேவேளை, தான் அரசியலுக்கு வரப்போவதில்லை என சில மாதங்களுக்கு முன்னர் விசேட அறிக்கையொன்றை சங்ககார விடுத்திருந்தார் என்பது குறிப்பிடத்தக்கது.

தமிழர் பகுதி மனித புதைகுழியில் 300 மனித எலும்புக்கூடுகள்!! முடிவு அமெரிக்காவில்??


மன்னார், மனித புதைகுழி அகழ்வுப் பணிகளின் போது இதுவரை சுமார் 300 மனித எலும்புக்கூடுகள் அடையாளம் காணப்பட்டுள்ளதாக அகழ்வுக்குப் பொறுப்பான சட்ட வைத்திய அதிகாரி சமிந்த ராஜபக்ஸ தெரிவித்துள்ளார்.

மன்னார் நகர் நுழைவு பகுதியில் கண்டுபிடிக்கப்பட்ட மனித புதைகுழியில் இருந்த எலும்புக்கூடு அகழ்வு பணிகள் இன்று புதன்கிழமை 130 ஆவது நாட்களை கடந்தும் இடம்பெற்று வருகின்றது.

இந்த நிலையில் இன்றைய அகழ்வுப் பணிகள் குறித்து அகழ்வுப் பணிக்கு பொறுப்பான சட்ட வைத்திய அதிகாரி ஊடகங்களுக்கு கருத்து தெரிவித்தார்.

அவர் மேலும் கருத்து தெரிவிக்கையில்,

மன்னார் மனித புதைகுழி அகழ்வுப் பணியானது இன்றுடன் 130 ஆவது தடவையாக இடம்பெற்று வருகின்றது.

இதுவரை 300 மனித எலும்புக்கூடுகள் குறித்த வளாகத்தில் இருந்து கண்டு பிடிக்கப்பட்டுள்ளன. அவற்றில் 294 மனித எலும்புக்கூடுகள் முழுமையாக அப்புறப்படுத்தப்பட்டுள்ளன.

குறிப்பாக அகழ்ந்து எடுக்கப்பட்ட 294 மனித எலும்புக்கூடுகளிலிருந்து தெரிவு செய்யப்பட்ட மாதிரிகள் புளோரிடாவிற்கு அனுப்ப மன்னார் நீதிமன்றத்தின் பாதுகாப்பில் வைக்கப்பட்டுள்ளன.

எதிர்வரும் 23 ஆம் திகதி மனித எச்சங்கள் ஆய்வுக்காக புளோரிடா கொண்டு செல்லப்பட இருக்கின்றன. குறித்த ஆய்வு முடிவுகள் ஒப்படைக்கப்பட்டு இரு வாரங்களில் அறிவிக்கப்படும். 

அது வரை மன்னார் மனித புதைகுழி அகழ்வுப் பணிகள் தொடர்ச்சியாக இடம்பெறும் எனவும் அவர் மேலும் தெரிவித்தார்.

நாமலுக்கு CID அழைப்பு


அரசியல் பிரமுகர்கள் கொலை அச்சுறுத்தல் தொடர்பிலான வாக்குமூலத்தை வழங்க முன்னாள் ஜனாதிபதியின் மகனும் நாடாளுமன்ற உறுப்பினருமான நாமல் ராஜபக்ஷ குற்றப்புலனாய்வு பிரிவு அழைப்பு விடுத்துள்ளது.

மேலும் எதிர்க்கட்சி உறுப்பினர் விமல் வீரவன்ச மற்றும் சசி வீரவன்ச ஆகியோருக்கும் அழைப்பு விடுக்கப்பட்டுள்ளது.

நமல் குமாரவால் வெளிப்படுத்தப்பட்ட ஜனாதிபதி மைத்திரிபால சிறிசேன மற்றும் முன்னாள் பாதுகாப்பு செயலாளர் கோட்டபாய ராஜபக்ஷ ஆகியோரை கொலை செய்வதற்கான சதித்திட்டம் தொடர்பிலேயே இவர்களுக்கு அழைப்பு விடுக்கப்பட்டுள்ளது.

சந்திர கிரகணத்துடன் கூடிய சூப்பர் ப்ளட் மூன் அதிசய நிகழ்வு!


இந்த மாதம் 20ஆம் தேதி சந்திர கிரகணத்துடன் கூடிய ‘சூப்பர் ப்ளட் மூன்’ என்ற அதிசயம் நிகழவுள்ளதாக ஆய்வாளர்கள் தெரிவித்துள்ளனர்.

அமெரிக்க பூர்வகுடி மக்கள் குளிர்காலத்தில் தெரியும் பௌர்ணமி நிலவை ‘வுல்ஃப் மூன்’ என அழைத்து வருகின்றனர்.

இந்த ‘வுல்ஃப் மூன்’ எதிர்வருகின்ற 20-ம் மற்றும் 21-ம் தேதிகளில் நிகழுமென வானிலை ஆய்வாளர்கள் கூறியுள்ளனர்.

இந்திய நேரப்படி இந்த மாதம் 20ஆம் தேதி நள்ளிரவு 11 மணிக்கு ஆரம்பமாகி அடுத்த நாள் காலை வரை இது நீடிக்கும் என தெரிவித்துள்ளனர்.

இந்த சந்திர கிரகணம் அமெரிக்கா, கிரீன்லாந்து, ஐஸ்லாந்து, மேற்கு ஐரோப்பா, மேற்கு ஆபிரிக்கா போன்ற நாட்டு மக்களால் தெளிவாகக் காண முடியும் என தெரிவிக்கப்பட்டுள்ளது.

ஆசியாவில் பல இடங்களிலும் இந்த ‘சூப்பர் ப்ளட் மூன்’ தெரிய வாய்ப்பில்லை என்றும் தெரிவிக்கப்பட்டுள்ளது.

இந்த ஆண்டின் வானில் நிகழும் முதல் அதிசய நிகழ்வு இதுவாகும். இது போன்ற ப்ளட் மூன் இனி 2021ஆம் ஆண்டு மே மாதம் மட்டுமே தோன்றும் என்பது குறிப்பிடத்தக்கது.

சூரியனுக்கும் நிலவுக்கும் நடுவில் பூமியானது பயணிக்கும் போது சூரியனிலிருந்து நிலவுக்கு கிடைக்கும் ஒளி தடைப்பட்டு பூமியின் நிழலானது நிலவின் மீது விழும்.

இதன் காரணமாக, நிலா சிவப்பு நிறத்தில் காட்சியளிக்கும். இந்த நிகழ்வினை ‘ப்ளட் மூன்’ என ஆய்வாளர்கள் கூறுகின்றனர்.

2018 உயர்தர பரீட்சை எழுதிய மாணவர்களிற்கு முக்கிய செய்தி


2018ஆம் ஆண்டு கல்விப் பொது தராதர உயர்தர பரீட்சை பெறுபேறுகளை மீள்பரிசீலனை செய்வதற்கான விண்ணப்பகாலம் இன்றுடன் நிறைவடைகிறது.

எனவே, விண்ணப்பிக்க அவசியமானவர்கள், தமது விண்ணப்பங்களை விரைவாக அனுப்பிவைக்குமாறு பரீட்சைகள் திணைக்களம் அறிவித்துள்ளது.

மீள்பரிசீலனை பெறுபேறுகள் வெளியிடப்பட்டதன் பின்னரே, பல்கலைக்கழகங்களுக்கு மாணவர்களை உள்ளீர்ப்பதற்கான, வெட்டுபுள்ளிகளை வெளியிட முடியும் என பல்கலைக்கழக மானியங்கள் ஆணைக்குழு தெரிவித்துள்ளது.

இதேவேளை, 2017ஆம் ஆண்டு உயர்தரப் பரீட்சைக்கு அமைய பல்கலைக்கழகங்களுக்கு மாணவர்களை உள்ளீர்ப்பதற்கான கொள்ளும் வெட்டுப்புள்ளிகள் கடந்த வருடம் ஜூன் மாதம் வெளியிடப்பட்டிருந்தமை குறிப்பிடத்தக்கது.

யாழ்ப்பாணத்தில் உண்ணிக் காய்ச்சல் அபாயம் -இரண்டு பிள்ளைகளின் தாய் உயிரிழப்பு!!


உண்ணிக் காய்ச்சலால் பாதிக்கப்பட்ட இரண்டு பிள்ளைகளின் தாயான 46 வயது பெண் உயிரிழந்துள்ளார்.

இந்தச் சம்பவம் உரும்பிராயில் இடம்பெற்றுள்ளது.

கடந்த 30 ஆம் திகதி ( 30.12 ) இரணைமடுவில் உள்ள உறவினரிடம் சென்ற திரும்பிய பெண்ணுக்கு அன்றைய தினமே காய்ச்சல் ஏற்பட்டுள்ளது.

மறுநாள் அருகில் உள்ள தனியார் மருத்துவமனையில் தொடர் சிகிச்சை பெற்றுள்ளார். கடந்த ஏழாம் திகதி ( 07.01.) சிகிச்சை பெறச் சென்ற வேளையில் மயங்கி வீழந்தார். அவர் யாழ்ப்பாணம் போதனா மருத்துவமனைக்குக் கொண்டு செல்லப்பட்டார்.

அங்கு பரிசோதனைகளை மேற்கொண்ட மருத்துவர்கள் உண்ணிக் காய்ச்சல் ஏற்பட்டுள்ளதென தெரிவித்து சிகிச்சை வழங்கிய போதிலும், சிகிச்சை பயனின்றி கடந்த 13 ஆம் திகதி ( 13.01.) உயிரிழந்துள்ளார் எனத் தெரிவிக்கப்பட்டது.

இன்றுடன் இழுபறி நிலைக்கு முற்றுப்புள்ளி வைக்கிறார் மைத்திரி


நாட்டில் நூற்றுக்கும் மேற்பட்ட அரச நிறுவனங்களில் தற்போது நிலவும் வெற்றிடங்களுக்கு, தலைவர்களை நியமிப்பது குறித்த இறுதி கலந்துரையாடல் ஒன்று இன்று இடம்பெறவுள்ளது.

இந்த கலந்துரையாடலின் பின்னர் அரச நிறுவனங்களின் தலைவர்களின் பெயர்கள் வெளியிடப்படும் என தெரிவிக்கப்பட்டுள்ளது.

ஜனாதிபதி அலுவலகத்தின் விசேட குழுவிற்கும், அரசாங்கத்தில் அங்கம் வகிக்கும் பிரதிநிதிகளுக்கும் இடையில் குறித்த கலந்துரையாடல் இடம்பெறவுள்ளதாக அரசியல் வட்டாரத் தகவல்கள் தெரிவிக்கின்றன.

அண்மையில் புதிய அமைச்சரவை நியமிக்கப்பட்டமையை அடுத்து, அமைச்சுக்களின் கீழ்வரும் அரச நிறுவனங்களுக்கான தலைவர்களை நியமிப்பதில் தற்போது வரை இழுபறிநிலை ஏற்பட்டுள்ளமை குறிப்பிடத்தக்கது.

புலிகளின் ஆயுதங்களை வைத்திருப்பவர்கள் கண்டுபிடிக்கப்பட்டனர்



 யுத்தத்தின் பின்னர் புலிகளின் ஆயுதங்களே இன்று பாதாள கோஷ்டிகளின் கைகளில் உள்ளது என பாதுகாப்பு இராஜாங்க அமைச்சர் ருவான் விஜயவர்தன தெரிவித்தார் . நாட்டில் இடம்பெறும் மனித படுகொலைகளைகளுக்கு பாதாள கோஷ்டிகளே காரணம் . கொலைகளை தடுக்க பொலிசாரின் செயற்பாடுகளுக்கு இராணுவ ஒத்துழைப்புகளை ஏற்படுத்திக்கொடுக்கவும் தாம் தயாராக உள்ளோம் . பாதுகாப்பு இராஜாங்க அமைச்சர் நேற்று கண்டி அஸ்கிரிய மல்வத்து தேரர்களை சந்தித்த பின்னர் ஊடகங்களுக்கு கருத்து தெரிவிக்கும் போதே மேற்கண்டவாறு குறிப்பிட்டார் .

தங்கத்தினால் அலங்கரிக்கப்படும் நாமலின் முன்னாள் காதலி!


பிரபல சினிமா நடிகர் ஜெக்ஸன் என்டனியின் மூத்த மகள் மாதவி என்டனி இலங்கையின் பிரபல சினிமா நடிகைகளில் ஒருவராகும்.

ஜெக்ஸன் என்டனியின் குடும்பத்தின் மூன்று பிள்ளைகளும் ஒரே நாளில் திருமணம் செய்து கொள்ளவுள்ளனர்.

பிரபல மாடல் கலைஞர் சந்திமால் ஜயசிங்கவினால் மாதவி என்டனிக்கு திருமண ஆடைகளை அலங்ரிக்கப்படுகின்றது.

இலங்கையில் முதல் முறையாக தங்கத்தினால் நிறைவடையும் திருமணமாக இது காணப்படும் என குறிப்பிடப்படுகின்றது.

இந்த திருமணத்தின் போது 7 மில்லியன் ரூபாய் பெறுமதியான தங்க ஆபரணங்கள் அவருக்காக ஏற்பாடு செய்யப்டபட்டுள்ளது.

குறித்த நடிகை நாடாளுமன்ற உறுப்பினர் நாமல் ராஜபக்ஷவை திருமணம் செய்யவுள்ளதாக தகவல்கள் வெளியாகி இருந்தன. எனினும் அவர்களுக்கு இடையிலான காதல் முறிவடைந்துள்ளமை குறிப்பிடத்தக்கது.

Tuesday, January 15, 2019

களத்தில் குதித்தார் மைத்திரியின் சகோதரர்


ஜனாதிபதி உள்ளிட்ட அரசாங்கத்தின் செயற்பாட்டினால், நாட்டின் பொருளாதாரம் பாரிய அழிவுப்பாதையில் பயணித்துக்கொண்டிருப்பதாக ஜனாதிபதியின் சகோதரரான டட்லி சிறிசேன தெரிவித்துள்ளார்.

பொலன்னறுவையில் நேற்று இடம்பெற்ற பொங்கல் நிகழ்வில் உரையாற்றுகையிலேயே அவர் இதனை தெரிவித்துள்ளார்.

இதன் போது மேலும் தெரிவித்த அவர், “நாட்டில் 30 வருடங்களாக யுத்தம் இடம்பெற்றது. இதனால் நாம் அனைவரும் அச்சத்துடனே அன்று வாழ்ந்தோம். தற்பொழுது அந்த நிலைமை இல்லை.

எனவே, இனரீதியாக நாம் ஐக்கியப்பட வேண்டும். இந்த ஐக்கியத்தை சீர்குலைத்து, இனவாதத்தை தூண்டும் எந்தவொரு அரசியல்வாதிக்கும் நாம் ஆதரவளிக்கக்கூடாது.

நாட்டில் இன்று பொருளாதாரத்துக்கு சிக்கல் நிலைமையொன்று ஏற்பட்டுள்ளது.

அரசியல் அதிகாரம் மற்றும் பணத்தை மட்டுமே நோக்காகக்கொண்ட தூரநோக்கற்ற அரசியல்வாதிகள் கடந்த 70 வருடங்களாக நாட்டை ஆட்சி செய்தமையின் பலனாகவே நாம் இவ்வாறான துன்பங்களை அனுபவித்து வருகிறோம்.

தற்போது கிராமங்களில் வீதி புனரமைப்பு உள்ளிட்டவை நடைபெற்று வருகின்றன.

ஆனால், ஏனைய அனைத்து செயற்பாடுகளும் அவ்வாறே நிறுத்தப்பட்டுள்ளன. நாட்டில் பொருளாதாரம் பாரிய வீழ்ச்சிப் பாதையில் பயணித்துக்கொண்டிருக்கிறது.

அரசாங்கம் என்ன செய்கிறது என புரியவில்லை. ஜனாதிபதியின் சகோதரனாக இருந்தாலும், இவ்வாறான செயற்பாடுகளை நான் ஒருபோதும் ஏற்றுக்கொள்ளப்போவதில்லை “ என மேலும் தெரிவித்துள்ளார்.

மீண்டும் பிரதமராகும் மஹிந்த?


முன்னாள் பிரதமர் மஹிந்த ராஜபக்ச மற்றும் ஏனைய முன்னாள் அமைச்சர்கள் தாக்கல் செய்த மேன்முறையீட்டு மனு இன்றைய தினம் விசாரணைக்கு எடுத்து கொள்ளப்படவுள்ளது.

மஹிந்த ராஜபக்ச பிரதமராக செயற்படுவதனை இடை நிறுத்துமாறு உச்ச நீதிமன்றத்தினால் வழங்கப்பட்ட இடைக்கால தடை உத்தரவுக்கு, சவால் விடுக்கும் வகையில் பிறப்பிக்கப்பட்ட உத்தரவிற்கு எதிராக இந்த மேன்முறையீட்டு மனு தாக்கல் செய்யப்பட்டது.

அவ்வாறு தாக்கல் செய்யப்பட்ட வழக்கு இன்றைய தினம் விசாரணைக்கு எடுத்து கொள்ளப்படும் என அறிவிக்கப்பட்டது.

கடந்த டிசம்பர் மாதம் 3ஆம் திகதி உயர் நீதிமன்றத்தில் வழங்கப்பட்ட இடைக்கால உத்தரவு, சட்டத்திற்கு எதிராக மற்றும் சிக்கலாக உள்ளமையினால் அந்த உத்தவை நிராகரிக்குமாறு கோரி மேன்முறையீட்டு மனு மஹிந்த தரப்பினரால் முறைப்பாடு செய்யப்பட்டமை குறிப்பிடத்தக்கது.

பிலிப்பைன்சுடன் 6 உடன்பாடுகளில் இன்று கையெழுத்திடுகிறது சிறிலங்கா


சிறிலங்காவுக்கும் பிலிப்பைன்சுக்கும் இடையில் இன்று ஆறு புரிந்துணர்வு உடன்பாடுகள் கையெழுத்திடப்படவுள்ளதாக சிறிலங்கா வெளிவிவகார அமைச்சு வட்டாரங்கள் தகவல் வெளியிட்டுள்ளன.

சிறிலங்கா அதிபர் மைத்திரிபால சிறிசேன ஐந்து நாட்கள் பயணமாக சிங்கப்பூர் எயர்லைன்ஸ் விமானத்தில், நேற்று பிலிப்பைன்ஸ் சென்றடைந்தார்.

நினோய் அக்கினோ அனைத்துலக விமான நிலையத்தில் சிறிலங்கா அதிபருக்கு பிலிப்பைன்ஸ் ஆயுதப்படையினரின் அணிவகுப்புடன் கூடிய செங்கம்பள வரவேற்பு அளிக்கப்பட்டது.

இன்று பிலிப்பைன்ஸ் அதிபர் ரொட்றிக்கோ ருரேரேயுடன் சிறிலங்கா அதிபர் இருதரப்பு பேச்சுக்களை நடத்தவுள்ளார்.

இதன்போது, சுற்றுலா, வெளிநாட்டு வேலைவாய்ப்பு, விவசாயம், பொதுகாப்பு உள்ளிட்ட துறைகளில் ஆறு புரிந்துணர்வு உடன்பாடுகள் கையெழுத்திடப்படவுள்ளன.